Беларускае – самае маё!

Традыцыі беларускай культуры, народныя рамёствы не згубяцца на гістарычных прасторах, яны будуць мець лагічны працяг у творчасці маладых. У гэтым меў магчымасць пераканацца кожны наведвальнік выставы “Беларускае – самае маё!”, якая разгарнулася на 3-ім паверсе архітэктурна-будаўнічага каледжа 22 лютага. На працягу тыдня ў фае можна ўбачыць творчыя работы навучэнцаў і супрацоўнікаў каледжа, выкананыя ў розных тэхніках і стылях, але аб’яднаныя веданнем і адлюстраваннем у сваіх работах нацыянальных асаблівасцяў і традыцый беларускай народнай культуры. Асабліва папулярна прадстаўлена на выставе вышыўка. Зусім па-іншаму раскрыліся для ўсіх магчымасці мешкавіны ў хатнім інтэр’еры, а вырабленыя з паперы лялька і кошык увогуле выклікаюць здзіўленне. Напрыканцы выстаўкі будуць падвелзены вынікі і названы аўтары, якія прадэманстравалі добрае веданне беларускай культуры, арыгінальнасць раскрыцця тэмы і творчую індывідуальнасць.