Пад такой назвай у архітэктурна-будаўнічым каледжы 28 красавіка прайшла літаратурна-музычная кампазіцыя, прысвечаная 120-годдзю з дня нараджэння вядомага беларускага пісьменніка-сатырыка, празаіка, драматурга, крытыка, вучонага і грамадскага дзеяча Кандрата Крапівы. Да свята падрыхтаваны дзве выставы: выстава малюнкаў навучэнцаў да баек Крапівы і бібліятэчная выстава “Юбілей пісьменніка”.
Вядучымі і актыўнымі ўдзельнікамі з’яўляліся навучэнцы груп 1А і 1С2. У іх выкананні прагучалі байкі, сатырычныя вершы, пастаўлены інсцэніроўкі па матывах баек “Дзед і баба” і “Ганарысты парсюк”. Цікавасць і нават складанасць выклікалі загадкі з кнігі “Загадкі дзеда Кандрата”, адгадванне і тлумачэнне выслоўяў з баек пісьменніка. Апошнім акордам стала выкананне песні “Фрыцавы трафеі” пад акампанемент акардэона. Свята ўдалося. Усе прысутныя пераканаліся ў актуальнасці твораў Кандрата Крапівы і ў наш час. Ранішняе мерапрыемства стварыла добры зарад бадзёрасці на ўвесь працоўны дзень.
Выкладчык беларускай мовы і літаратуры Шабліцкая Н.В.
і загадчыца бібліятэкі Антоненка А.Р.